Real Madrid ayaa si dhab ah u daneynaysa in ay la soo wareegto daafaca midig ee liverpool

Real Madrid ayaa si dhab ah u daneynaysa in ay la soo wareegto daafaca midig ee liverpool, Trent Alexander-Arnold, ka hor inta uusan qandaraaskiisu dhamaan 30-ka Juun. Kooxda reer Spain ayaa rabta in xiddiga 26-jirha ah uu diyaar u noqdo koobka Adduunka ee keliyada (club World Cup), iyadoo dhamaan ciyaaraha wareega group-yada ay dhacayaan ka hor dhammaadka qandaraaskiisa.

sida ay sheegayaan wararka ka imanaya Spain, Real Madrid ayaa laga yabaa in ay bixiso lacag yar si ay ugu dhigto heshiiska mid degdeg ah in Alexander-Arnold Laftiisa uu weydiisto in si hore looga sii fasaxo kooxda.

Dhanka kale, Empire of the Kop ayaa sheegaysa in Alexander-Arnold uusan noqon doonin ciyaaryahanka kaliya ee Liverpool ka tagaya kuna biiraya Real Madrid. Alexis Mac Allister ayaa isna si joogto ah loola xiriirinayay kooxda Los Blancos bilihii la soo dhaafay.

Mac Allister, oo 25 jir ah, ayaa hadda loo arkaa beddelka ku habboon ee Luka Modric, kaas oo 39 jir ah islamarkaana qandaraaskiisu dhacayo xagaagan. Real Madrid ayaa la sheegayaa in ay diyaar u tahay in ay dalab €90 milyan (£77 milyan) ah ka gudbiso si ay u hesho xiddiga reer Argentina.

Si kastaba ha ahaatee, laba ilo wareed oo kala duwan ayaa shaaca ka qaaday in uusan jirin qorshe uu Mac Allister ugu biirayo Real Madrid. Aabihiis, Carlos Mac Allister, ayaa yidhi:

“Waa wax aan waxba laga odhan karin. Alexis aad buu ugu faraxsan yahay Liverpool wuxuuna rajeynayaa in uu la qaado horyaalka Premier League, kadibna uu nasto maadaama uusan helin fursad fasax sannadkii hore.”

Carlos ayaa intaas ku daray:

“Wuxuu heshiis kula jiraa Liverpool ilaa 2028. Wuxuu ku faraxsan yahay kooxda — aan rajeyno inuu halkaas sii joogo.”

Warbixin kale oo kasoo baxday Daily Mirror ayaa sidoo kale sheegay in Mac Allister aanu xiiseynaynin ku biirista Real Madrid, xitaa haddii ay dalab rasmi ah u soo gudbiyaan.

Gunaanad: Inkasta oo Real Madrid ay ku hamineyso Alexander-Arnold iyo Mac Allister, Liverpool ayaana si adag uga soo horjeedda iibinta ciyaaryahanadooda muhiimka ah.