Shan ciyaartoy oo aad todobaadkan kooxdaada Fantasy-ga ku darsan karto.

Waxaa haray kaliya lix kulan oo horyaalka ah, waxaana toddobaadkan (Gameweek 33) afar kooxood helaya laba kulan: Arsenal, Aston Villa, Crystal Palace, iyo Manchester City. Waa fursad weyn oo aad ku heli karto dhibco badan oo Fantasy Premier League ah. Halkan waxaa ku jira shan ciyaartoy oo kaa caawin kara inaad kordhiso dhibcahaaga FPL toddobaadkan: 1. Alphonse Areola – West Ham (Goolhayaha) West Ham waxay la ciyaaraysaa kooxda heerka labaad u dhacday ee Southampton Sabtida. Saints waa kooxda ugu goolasha yar horyaalka – 23 gool oo kaliya. Sidaas darteed, ku darista Areola kooxdaada waxay noqon kartaa go’aan caqli gal ah, iyadoo West Ham dooneyso inay si fiican ku dhammeeyso xilli ciyaareedka. 2. Conor Bradley – Liverpool (Difaac) Liverpool waxay u dagaallamaysaa hanashada horyaalka, waxayna Axadda booqanayaan Leicester. Leicester ayaa laga dhaliyay ugu yaraan laba gool 8 kamid ah 9-kii kulan ee ugu dambeeyay, waxaana keliya Southampton ka liidata difaacan. Bradley waa dookh jaban oo FPL ah, wuxuuna dhowaan caawiye ka noqday goolkii laga dhaliyay Fulham. Wuxuu heli doonaa fursado badan oo uu kor ugu baxo garabka. 3. Mikel Merino – Arsenal (Khadka Dhexe) Inkasta oo uu liiska FPL kaga jiro khadka dhexe, Mikel Merino ayaa dhaawacyo darteed uga ciyaaraya weerarka Arsenal. 28-jirka reer Spain wuxuu dhaliyay 2 gool afartii kulan ee ugu dambeysay, waxaana kulanka Axadda ay la ciyaarayaan Ipswich — kooxdaas oo laga badiyay 6-dii kulan ee ugu dambeysay gurigeeda, lagana dhaliyay 20 gool. Arsenal sidoo kale waxay la ciyaaraysaa Crystal Palace todobaadkan, waana fursad kale oo uu Merino ku dhaliyo ama caawiyo. 4. Eberechi Eze – Crystal Palace (Khadka Dhexe) Crystal Palace waxay la ciyaarayaan Bournemouth (guriga) iyo Arsenal (marti) todobaadkan. Eze waa kan ugu caawinta badan kooxda, wuxuuna dhowaan gool ka dhaliyay Man City kulankii 5-2 lagu badiyay. Bournemouth ma aysan haynin wax clean sheet ah 7-dii kulan ee u dambeysay bannaanka, Arsenal-na hal clean sheet kaliya ayay leedahay 7-dii kulan ee ugu dambeysay gurigeeda. Waa waqtigii uu Eze iftiimi lahaa! 5. Omar Marmoush – Manchester City (Weeraryahan) Man City waxay ciyaaraysaa labo kulan — Everton (marti) iyo Aston Villa (guri). Waxay wali u dagaallamayaan booska Champions League, waxaana ay kusoo laabteen 5-2 markii laga hormaray 2-0 kulankii Palace. Marmoush wuxuu dhaliyay gool kulankaas, waana goolkiisii afraad 5-tii kulan ee ugu dambeysay tartamada oo dhan. Wuxuu si fiican u buuxinayaa booska Haaland.